Algengar spurningar

Það kemur alltaf skýrt fram í ferðalýsingu hvað er innifalið í hverri ferð.

Í hefðbundnum hópaferðum PremierTrips er almennt innifalið:

• flug frá Keflavík,
• gisting á hóteli,
• miði á viðburðinn,
• akstur á völl eða viðburð þar sem það er hluti ferðarinnar,
• og íslenskur fararstjóri samkvæmt ferðalýsingu.

Sumar ferðir geta einnig innihaldið aðra þjónustu, svo sem skoðunarferðir, akstur til og frá flugvelli eða aðra dagskrá.

Ferðalýsing viðkomandi ferðar segir alltaf endanlega til um hvað er innifalið.

Þú finnur viðburðinn sem þú vilt fara á í miðasölu PremierTrips og velur þann miðaflokk sem hentar þér.

Það fer eftir viðburði hvort hægt sé að ganga frá kaupum strax eða hvort senda þurfi fyrirspurn.

Ef um fyrirspurn er að ræða sendum við þér tilboð með verði, miðaflokki og öðrum upplýsingum. Pöntunin verður staðfest þegar tilboðið hefur verið samþykkt og tilskilin greiðsla hefur borist.

Við mælum með að lesa upplýsingar um miðaflokk og staðsetningu vandlega áður en kaup eru staðfest.

Finnur þú sama miða ódýrari hjá skráðu íslensku miðasölufyrirtæki innan 14 daga frá kaupum, endurgreiðum við mismuninn — að hámarki lægra af 10% eða 15.000 kr. á pöntun.

Samanburður miðast við sama viðburð, sömu miðategund, sama fjölda miða og heildarverð með öllum gjöldum. Tilboðið þarf að vera raunverulega hægt að kaupa þegar krafa er metin.

Verðvernd gildir ekki um erlendar síður, afsláttarkóða, félagsverð, pakkatilboð eða óstaðfestar auglýsingar, og ekki nær viðburði en 72 klukkustundum.

Nánar í skilmálum verðverndar. Til að setja fram kröfu notaðu hafðu samband.

Það fer eftir því hvað hefur verið keypt.

Afpöntunar- og breytingarskilmálar geta verið mismunandi eftir því hvort um er að ræða pakkaferð, stakan viðburðamiða eða aðra ferðatengda þjónustu.

Flug, hótel og viðburðamiðar geta verið óendurgreiðanleg eða háð sérstökum skilmálum þjónustuveitenda.

Ef þú þarft að breyta eða afpanta bókun skaltu hafa samband við okkur eins fljótt og hægt er. Við skoðum hvaða möguleikar eru í boði og upplýsum þig um mögulegan kostnað áður en breyting er framkvæmd.

Þegar um pakkaferð er að ræða gilda jafnframt þau réttindi sem ferðamenn hafa samkvæmt lögum um pakkaferðir og samtengda ferðatilhögun.

Nánari upplýsingar er að finna í skilmálum PremierTrips.

Það fer eftir tegund bókunar og reglum viðkomandi þjónustuveitanda.

Sumir viðburðamiðar eru framseljanlegir en aðrir geta verið persónubundnir eða háðir takmörkunum viðburðahaldara eða miðaveitanda.

Nafnbreytingar á flugi geta einnig verið háðar reglum og gjaldskrá flugfélagsins.

Ef um pakkaferð er að ræða getur ferðamaður átt rétt á að framselja bókun samkvæmt skilyrðum gildandi laga.

Hafðu samband við okkur eins fljótt og hægt er ef þú vilt framselja bókun og við könnum hvaða möguleikar eru í boði.

Miðar eru afhentir rafrænt. Miðar eru alla jafna afhentir deginum fyrir viðburð en ef þeir hafa ekki borist a.m.k. 6 klst fyrir viðburð endilega heyrðu í okkur.

Greiðslumöguleikar koma fram við bókun og geta verið mismunandi eftir ferð eða þjónustu.

Almennt er hægt að greiða með greiðslukorti og, þar sem það er í boði, Netgíró.

Við fyrirspurnarbókanir getur greiðslufyrirkomulagið verið:

Ef annað greiðslufyrirkomulag gildir kemur það skýrt fram í tilboði eða við bókun.

Þú velur almennt sætaflokk, en ekki ákveðið sætisnúmer.

Nákvæm staðsetning ræðst af þeim miðum sem úthlutað er innan þess flokks sem keyptur var.

Þegar bókað er fyrir 2–4 einstaklinga er stefnt að því að hópurinn sitji saman, eftir því sem kemur fram í skilmálum viðkomandi miðaflokks.

Fyrir stærri hópa getur verið erfiðara að tryggja að allir sitji saman. Ef skipta þarf hópi upp er leitast við að hafa sætin eins nálægt hvert öðru og mögulegt er og, eftir því sem kostur er, innan sama svæðis.

Ef það skiptir þig sérstaklega miklu máli að allur hópurinn sitji saman skaltu hafa samband við okkur áður en þú staðfestir kaup.

Já. Dagsetningar og tímasetningar fótboltaleikja geta breyst eftir að leikur hefur verið settur í sölu.

Breytingar geta meðal annars orðið vegna sjónvarpsútsendinga, bikarkeppna, Evrópukeppna, veðurs, öryggismála eða ákvarðana deilda og knattspyrnusambanda.

Leikdagur sem birtist við kaup getur því verið bráðabirgðadagsetning þar til endanleg tímasetning hefur verið staðfest.

Ef þú kaupir aðeins miða hjá PremierTrips mælum við með að bóka ekki óendurgreiðanlegt flug eða gistingu sem byggir á óstaðfestum leikdegi.

Ef leikurinn er hluti af hópaferð PremierTrips sjáum við um að upplýsa farþega um breytingar og bregðast við þeim eftir því sem við á.

Ef viðburði er frestað gildir miðinn almennt áfram á nýja dagsetningu samkvæmt reglum viðburðahaldara eða miðaveitanda.

Við látum þig vita eins fljótt og upplýsingar um breytinguna berast okkur.

Ef þú hefur keypt pakkaferð hjá PremierTrips geta önnur réttindi einnig átt við samkvæmt skilmálum ferðarinnar og gildandi lögum.

Ef viðburði er aflýst með öllu fer endurgreiðsla eftir tegund bókunar, reglum viðburðahaldara eða miðaveitanda og gildandi lögum.

Ef viðburðurinn er hluti af pakkaferð geta önnur réttindi átt við en þegar eingöngu hefur verið keyptur stakur miði.

PremierTrips upplýsir viðskiptavini um næstu skref eins fljótt og staðfestar upplýsingar liggja fyrir.

Þú berð ábyrgð á að hafa gilt vegabréf og önnur ferðaskilríki sem krafist er fyrir áfangastaðinn.

Ef ferðast er til Bretlands þurfa íslenskir ferðamenn almennt einnig að hafa gilt ETA-ferðaheimild, nema þeir falli undir undanþágu.

Við mælum með að ganga frá öllum ferðaskilríkjum með góðum fyrirvara.

Það fer eftir ferð og flugfélagi.

Í ferðalýsingu eða bókunarstaðfestingu kemur fram hvaða farangursheimild fylgir bókuninni.

Ef þú vilt bæta við innrituðum farangri eða öðrum farangursheimildum skaltu hafa samband við okkur eða fylgja leiðbeiningum viðkomandi flugfélags.

Já. Margar ferðir PremierTrips henta vel fjölskyldum.

Verð, miðaflokkar og reglur fyrir börn geta þó verið mismunandi eftir flugfélagi, hóteli og viðburði.

Athugaðu einnig að einstakir viðburðir eða miðaflokkar geta haft sérstök aldurstakmörk.

Ef þú ert að ferðast með ung börn mælum við með að skoða upplýsingar viðkomandi ferðar eða hafa samband við okkur áður en bókað er.

Ferðatrygging og forfallatrygging fylgja ekki sjálfkrafa bókun hjá PremierTrips nema annað sé sérstaklega tekið fram.

Við mælum með að ferðamenn séu með fullnægjandi ferðatryggingu og kanni jafnframt hvort forfallatrygging fylgi greiðslukorti eða öðrum tryggingum þeirra.

Gjafabréf PremierTrips er hægt að nota sem greiðslu fyrir þá þjónustu sem gjafabréfið gildir fyrir.

Kóði og gildistími koma fram á gjafabréfinu.

Ef bókun kostar meira en inneign gjafabréfsins greiðir þú mismuninn.

Nánari upplýsingar er að finna á síðunni Gjafabréf.

Þú getur haft samband við okkur:

Þú getur einnig sent okkur skilaboð í gegnum sambandsformið á vefnum.

Ef erindið varðar bókun er gott að hafa bókunarnúmerið með.