Tryggt aðgengi
Við hjálpum þér að komast á leiki, tónleika og aðra viðburði, með skýrum kostum og raunhæfum væntingum.
UM OKKUR
Við gerum drauma aðdáenda að veruleika
PremierTrips er íslensk ferðaskrifstofa sem sérhæfir sig í ferðum, pökkum og miðum á stærstu íþrótta- og skemmtiviðburði heims. Við bjóðum skipulagðar hópaferðir með fararstjóra, sveigjanlegar pakkaferðir þar sem þú velur sjálfur flug, hótel og miða, auk stakra miða á fótboltaleiki, tónleika og aðra vinsæla viðburði. PremierTrips býður einnig upp á verðvernd á miðasölunni og er, að okkar vitneskju, fyrsta fyrirtækið í Evrópu til að bjóða slíka verðvernd á viðburðamiðum. Markmiðið er einfalt: að viðskiptavinir okkar geti bókað með meira öryggi og treyst því að þeir fái samkeppnishæft verð. Fótboltaferðir til Englands eru rótin okkar og þar höfum við byggt upp mikla reynslu og sterkt tengslanet. Í dag nær þjónusta PremierTrips þó mun lengra, með aðgangi að viðburðum víða um Evrópu og einfaldri, öruggri þjónustu frá bókun og þar til þú ert kominn á viðburðinn. Hjá PremierTrips færðu íslenska þjónustu, skýrt ferli og aðstoð þegar á þarf að halda.
Markmið okkar er að gera stórar upplifanir aðgengilegar, einfaldar og eftirminnilegar. Hvort sem draumurinn er að upplifa stemninguna á fullum fótboltavelli, sjá uppáhalds tónlistarmanninn á tónleikum eða mæta á annan stórviðburð, viljum við gera ferðalagið eins auðvelt og öruggt og mögulegt er. Fótboltaferðir til Englands eru rótin okkar og þar sjáum við um allt skipulag frá A til Ö. Sú reynsla og þjónusta hefur síðan orðið grunnurinn að öllu því sem PremierTrips Travel býður upp á í dag.
PremierTrips er með starfsstöð á Selfossi en þjónar viðskiptavinum um allt land. Hvar sem þú ert á Íslandi erum við til staðar fyrir þig, frá fyrstu fyrirspurn og þar til upplifuninni lýkur.
PremierTrips ehf.
Kt. 540225-1410
Engjavík 15, 800 Selfoss
Leyfishafi ferðaskrifstofu — Ferðamálastofa
Yfir 2.000 MANNS Í HÓPAFERÐUM Yfir 10.000 MIÐAR SELDIR 5,0 MEÐALEINKUNN Á GOOGLE
Af hverju PremierTrips?
Ferðin skipulögð
Flug, hótel, miðar og oft íslenskur fararstjóri, þú færð skýrt yfirlit yfir hvað er innifalið í hverri ferð.
Persónuleg þjónusta
Lítill hópur, persónuleg þjónusta. Við þekkjum viðskiptavini okkar á nafn.
Reynsla og ástríða
Fararstjórar okkar og aðrir starfsmenn eru sjálfir ástríðufullir aðdáendur sem vita hvað þarf til.
Fararstjórar og starfsmenn
Fararstjórar okkar og starfsfólk eru valin af kostgæfni með áherslu á reynslu, þjónustulund og einlægan áhuga á íþróttum, tónlist og ferðalögum. Markmiðið er að þú fáir ekki aðeins góða þjónustu, heldur einnig fólk með þekkingu og reynslu sem gerir upplifunina enn betri.
Reynir B. Reynisson
EIGANDI OG AÐALFARARSTJÓRI
Reynir Bergmann Reynisson er eigandi PremierTrips Travel og hefur frá upphafi lagt mikla áherslu á persónulega þjónustu, vandað skipulag og sterka upplifun fyrir hvern viðskiptavin. Sem fararstjóri leggur Reynir áherslu á að allt gangi snurðulaust frá upphafi til enda. Hann er skipulagður, lausnamiðaður og alltaf til staðar fyrir hópinn, hvort sem það snýr að ferðalaginu sjálfu, leikdeginum eða einhverju óvæntu sem kemur upp á leiðinni. Reynir þekkir vel til fótboltaferða, sérstaklega til Englands, og hefur byggt PremierTrips upp með það að markmiði að viðskiptavinir geti ferðast með öryggi, fengið góða þjónustu og notið upplifunarinnar án þess að þurfa að hafa áhyggjur af skipulaginu.
Simmi Vill
FARARSTJÓRI
Simmi er þekktur stuðningsmaður og tekur hópinn sinn með sér inn í andrúmsloftið. Fjör og gleði eru alltaf í fyrirrúmi þegar Simmi er við stjórnvölinn.
Ívar Daníels
FARARSTJÓRI
Við erum afar ánægð að hafa Ívar Daníel með okkur sem fararstjóra hjá PremierTrips. Ívar er reynslumikill fararstjóri, skemmtikraftur og tónlistarmaður sem hefur ferðast víða um Evrópu og kynnst ensku úrvalsdeildinni af eigin raun. Hann þekkir leikvangana, borgirnar og stemninguna í kringum leikina einstaklega vel og er alltaf vel undirbúinn fyrir hverja ferð. Ívar leggur metnað í að gera upplifun ferðalanganna sem besta og veit nákvæmlega hvar er að finna bestu staðina til að borða, skemmta sér og njóta þess sem hver borg hefur upp á að bjóða.
Ási Guðna
FARARSTJÓRI
Ási Guðni er útvarpsmaður og skemmtikraftur sem flestir kannast við. Hann er þekktur fyrir létta lund, skemmtilegan húmor og hefur á undanförnum árum skapað sér sterkan sess sem einn vinsælasti skemmtikraftur landsins. Með Ása Guðna sem fararstjóra má búast við frábærri stemningu frá upphafi til enda. Hann hefur einstakt lag á að ná fólki saman og gera góða ferð enn betri með húmor, góðum sögum og skemmtilegum félagsskap.
Birkir Vagn Ómarsson
FARARSTJÓRI
Það er óhætt að segja að Liverpool eigi stóran stað í hjarta Birkis Vagns Ómarssonar. Hann hefur fylgt liðinu í gegnum súrt og sætt, farið ótal sinnum á Anfield og þekkir borgina og stemninguna sem fylgir leikdegi eins og lófann á sér. Birkir hefur gaman af því að deila reynslu sinni og uppáhaldsstöðunum sínum með ferðafélögum. Hvort sem það er að finna rétta pöbbinn fyrir leik, skoða borgina eða njóta stemningarinnar í kringum Anfield, þá veit hann nákvæmlega hvað gerir Liverpool-ferð eftirminnilega. Með Birki sem fararstjóra færðu ekki bara leiðsögn – heldur ferð með manni sem hefur einlæga ástríðu fyrir Liverpool, borginni og öllu sem henni fylgir.
Camilla Rut
FARARSTJÓRI
Camilla Rut er kraftmikill og hlýlegur fararstjóri sem margir þekkja úr íslensku samfélagsmiðlalífi og úr tónlistinni. Hún hefur vakið mikla athygli fyrir persónulegan stíl, sterka nærveru og skemmtilega framkomu og er í dag einstaklega vinsæl hjá breiðum hópi fólks. Sem fararstjóri hjá PremierTrips leggur Camilla mikla áherslu á góða stemningu, persónulega þjónustu og að hver ferð verði upplifun frá upphafi til enda. Hún hefur einstakt lag á að tengja fólk saman, halda vel utan um hópinn og skapa létta og skemmtilega stemningu án þess að slaka á fagmennskunni. Með Camillu Rut sem fararstjóra má búast við mikilli orku, góðum húmor og ferð sem verður minnisstæð löngu eftir að viðburðinum lýkur.
Egill Ploder
FARARSTJÓRI
Við erum virkilega ánægð að fá Egil Ploder, útvarps og tónlistarmann, í hóp fararstjóra hjá PremierTrips. Egill er einn af þekktustu stuðningsmönnum Liverpool á Íslandi og hefur fylgt félaginu af mikilli ástríðu í gegnum árin. Fyrir honum snýst Liverpool ekki bara um fótbolta heldur einnig söguna, menninguna og einstöku stemninguna sem fylgir borginni og Anfield. Sem fararstjóri leggur Egill áherslu á að allir njóti ferðarinnar, hvort sem um er að ræða fyrstu heimsókn á Anfield eða þá tíundu. Með góðu skapi, húmor og mikilli þekkingu á Liverpool skapar hann frábæra stemningu og gerir upplifunina enn eftirminnilegri. Með Agli sem fararstjóra færðu ekki aðeins ferð á leik heldur ferð með manni sem lifir og hrærist í Liverpool og hefur einstaka ánægju af því að deila þeirri upplifun með öðrum stuðningsmönnum.
Jón Sigurðsson (500 kallinn)
FARARSTJÓRI
Jón Sigurðsson er sannkallaður Liverpool-nörd, fyrrverandi íþróttastjóri, tónlistarmaður og Idol-stjarna. Hann er mikill stemningsmaður og hefur einstakt lag á því að skapa góða orku og gleði í hópnum. Jón leggur metnað í að farþegar njóti ferðarinnar til fulls, hvort sem það er á Anfield, í Liverpool-borg eða með hópnum sjálfum. Með reynslu sinni, húmor og miklum Liverpool-áhuga er Jón frábær fararstjóri fyrir þá sem vilja upplifa Liverpool á skemmtilegan og eftirminnilegan hátt.
Sigurður Ingi Sigurðsson
FARARSTJÓRI
Sigurður Ingi er nýr fararstjóri hjá PremierTrips og sannkallaður Manchester-sérfræðingur. Hann er harður Manchester United-maður og hefur farið í um 70 ferðir til Manchester. Fáir þekkja borgina betur en hann – hvort sem um er að ræða Old Trafford, áhugaverða staði, góða veitingastaði eða sögur sem leynast á bak við borgina. Sigurður hefur einnig mikinn áhuga á sögu Manchester United og getur því frætt ferðalanga um félagið, goðsagnirnar og stóru augnablikin sem hafa mótað sögu þess. Með mikilli reynslu, léttu lundinni og góðri nærveru leggur hann sitt af mörkum til að gera hverja ferð skemmtilega, fróðlega og eftirminnilega. Og svo má auðvitað ekki gleyma því að Sigurður Ingi er fyrrverandi fyndnasti maður Suðurlands – að minnsta kosti samkvæmt honum sjálfum og mögulega einhverjum öðrum sem voru viðstaddir.
Simon Davies
FARARSTJÓRI
Við hjá PremierTrips erum afar stolt af samstarfi okkar við Simon Davies einn af okkar traustustu samstarfsaðilum í Liverpool. Simon er fæddur og uppalinn í borginni og þekkir hana út og inn, allt frá helstu kennileitum til falinna staða sem aðeins heimamenn vita um. Simon starfar einnig mikið í kringum Liverpool FC og sér reglulega um akstur fyrir leikmenn félagsins og annað starfsfólk tengt klúbbnum. Þessi reynsla og traust sem honum er sýnt segir sitt um fagmennsku hans og áreiðanleika. Þegar þú ferðast með PremierTrips eru miklar líkur á að Simon taki á móti hópnum á flugvellinum og sjái um aksturinn. Hann leggur metnað sinn í að veita framúrskarandi þjónustu og deilir gjarnan fróðleik og sögum um Liverpool, borgina sem hann elskar og þekkir betur en flestir. Það er okkur sönn ánægja að hafa Simon sem hluta af teyminu okkar og við erum sannfærð um að viðskiptavinir PremierTrips muni fljótt skilja hvers vegna hann nýtur jafn mikillar virðingar og trausts í Liverpool.
Ánægðir ferðafélagar
5,0 ★★★★★
Meðaleinkunn af umsögnum á Google. +7.000 viðskiptavinir hafa ferðast með okkur.
★★★★★Ferð upp á 10 – mæli með PremierTrips
Opnunarleikur deildarinnar 25/26, Liverpool–Bournemouth. PremierTrips sá um allt og fararstjórn. Þetta var ferð upp á 10 og ég mæli með. Ég er strax farinn að huga að næstu ferð.
★★★★★Klikkaðir miðar
Klikkaðir miðar á flottu verði
Hafa samband
Við svörum öllum fyrirspurnum á virkum dögum. Hringdu, sendu póst eða líttu við á Selfossi.
NETFANG premiertrips@premiertrips.is
SÍMI 680-0000
HEIMILISFANG Engjavík 15, 800 Selfoss
OPNUNARTÍMI mán.–fös. 9:00–17:00