Liverpool vs Crystal Palace

Flogið er með Icelandair að morgni föstudags til Manchester. Við lendingu tekur fararstjóri PremierTrips á móti hópnum og tryggir að allt gangi smurt fyrir sig. Hópurinn fer svo beint með þægilegum akstri til Liverpool þar sem komið er á glæsilega Novotel hótelið. Farið er yfir innritun á hótelið og eftir það gefst þeim sem vilja tækifæri á að ganga með fararstjóra PremierTrips um Liverpool. Þar verður miðbærinn skoðaður, farið yfir áhugaverða staði og fólk fær betri tilfinningu fyrir þessari einstöku fótbolta borg.

Dagurinn sem allir bíða eftir er kominn! Við förum á Anfield þar sem Liverpool tekur á móti Crystal Palace. Upplifðu einstaka stemningu, stuðningsmennina, söngvana og allt það sem gerir leikdag á Anfield að einni magnaðustu upplifun í fótboltaheiminum (Uber tekur ca 25 mín). Um kvöldið býður PremierTrips þeim sem vilja að koma saman út að borða á magnaða Bem Brasil sem er frábær all you can eat steikhús þar sem góður matur og góður félagsskapur fara saman. 🥩

Fararstjóri með þá sem bókað hafa skoðunarferðina á Anfield. Við skoðum völlinn, göngum um svæðið í kringum Anfield, sjáum sögulegar myndir á veggjunum, heimsækjum Jota vegginn og upplifum andrúmsloftið í kringum heimavöll Liverpool. Farið verður yfir skemmtilegar og sjaldheyrðar sögur af liðinu, leikmönnum og stuðningsmönnum sem gera Liverpool að einu þekktasta félagi heims.

Eftir frábæra helgi er komið að heimferð. Við sækjum hópinn við Novotel hótelið og skutlum beint upp á Manchester Airport þar sem allir halda heim með fullt af minningum.