Man United vs Liverpool

Flogið er með Easy Jet að morgni föstudags til Manchester. Við lendingu tekur fararstjóri PremierTrips á móti hópnum og tryggir að allt gangi vel og skipulega fyrir sig. Að því loknu heldur hópurinn með þægilegum akstri inn í miðbæ Manchester þar sem gist verður á hinu glæsilega Radisson Hotel. Þegar hópurinn hefur komið sér fyrir á hótelinu tekur fararstjóri á móti þeim sem vilja í anddyri hótelsins og býður upp á göngutúr um miðbæ Manchester þar sem farið verður yfir helstu svæði borgarinnar, vinsælar verslanir, veitingastaði og áhugaverða staði. Einnig býðst fararstjóri til að fara með hópnum á Old Trafford Megastore þar sem hægt verður að versla treyjur, minjagripi og annað tengt Manchester United – fullkomin upphitun fyrir leikinn daginn eftir.

Leikdagur! Fararstjóri tekur á móti hópnum í anddyri hótelsins og verður farið yfir skipulag ferðarinnar að Old Trafford. (akstur ekki innifalinn) Fyrir þá sem vilja verður einnig boðið upp á að heimsækja hinn sögufræga Bishop Blaize – vinsælan stað meðal stuðningsmanna Manchester United þar sem stemningin fyrir leik er mikil, söngvar óma og stuðningsmenn hita upp fyrir stórleikinn. Þetta er að sjálfsögðu valfrjálst og fyrir þá sem vilja upplifa ekta enska fótboltastemningu. Að lokinni upphitun er gengið saman að Old Trafford þar sem Manchester United tekur á móti erkifjendunum í Liverpool í sannkölluðum stórleik. Um kvöldið býður PremierTrips þeim sem vilja að koma saman út að borða á magnaða Bem Brasil sem er frábær all you can eat steikhús þar sem góður matur og góður félagsskapur fara saman. 🥩

Í boði verður skoðunarferð um Old Trafford, sem er einstök upplifun fyrir alla fótboltaunnendur. Farið verður yfir sögu félagsins, leikmannaklefar skoðaðir og einnig heimsótt svæði sem almenningur fær sjaldan að sjá, þar á meðal VIP svæðið þar sem stórmenni á borð við Sir Alex Ferguson hafa notið leikdagsins. Eftir skoðunarferðina verður stefnan sett á Trafford Centre verslunarmiðstöðina fyrir þá sem vilja nýta tækifærið til verslunar eða skoðunar. Að sjálfsögðu er þetta valfrjálst og fararstjóri fer með þeim sem vilja. Um kvöldið verður farastjórinn með skemmtilegt pubquiz á hótelinu þar sem hægt verður að vinna flottan vinning frá PremierTrips.

Eftir frábæra helgi í Manchester er komið að heimför. Hópurinn verður sóttur á hótelið og ekið út á Manchester Airport þar sem flogið verður heim með fullt af frábærum minningum úr ógleymanlegri fótboltaferð.