Fótbolti

Leikdagar og leiktímar geta breyst vegna sjónvarpsútsendinga, þátttöku liða í öðrum keppnum eða annarra aðstæðna. Dagsetning og tími við kaup eru því birt með fyrirvara um breytingar, sem geta orðið með stuttum fyrirvara. Laugardagsleikir stóru liða geta sérstaklega færst á sunnudag vegna sjónvarpsútsendinga þar til mótshaldari hefur staðfest dagsetningu og tíma. PremierTrips mælir þá með heimferð á mánudegi. Viðskiptavinur ber ábyrgð á að velja heimferðardag með tilliti til þeirrar áhættu. Kaupandi ber ábyrgð á að fylgjast með staðfestri leikjadagskrá á opinberri vefsíðu viðkomandi félags eða keppni. Ekki er hægt að treysta á að sérstök tilkynning berist frá PremierTrips. Þegar dagsetning er staðfest gildir sú dagsetning. Færist leikur eftir það gildir miðinn á nýjum leikdegi samkvæmt reglum mótshaldara eða miðaveitanda. Breyting á leikdegi eða leiktíma veitir ekki sjálfkrafa rétt til endurgreiðslu eða skipta. Þetta skerðir þó ekki ófrávíkjanleg réttindi kaupanda samkvæmt lögum, þ.m.t. lögum nr. 95/2018 um pakkaferðir þegar kaup í Bókunarvélinni teljast pakkaferð.

Við stefnum að því að hópurinn sitji saman. Fyrir tvo til fjóra er það venjulega hlið við hlið; fyrir fimm eða fleiri er reynt að koma öllum í sama hólf, en því er ekki hægt að lofa fyrirfram.

Schengen-ríkisborgarar þurfa ETA (~€20) og gilt vegabréf. Það er á ábyrgð farþega að sækja um hana; leiðbeiningar berast í staðfestingarpósti.